டெல்லி விசிட்டில் விசேஷம் இல்லை- கிருஷ்ணசாமி

சென்னை: எனது டெல்லி பயணத்தில் எந்த அரசியல் முக்கியத்துவமும் இல்லை என்று தமிழக காங்கிரஸ் தலைவர் கிருஷ்ணசாமி கூறியுள்ளார்.

தமிழகத்தில் விடுதலைப் புலிகள் விவகாரம் தொடர்பாக காங்கிரஸ் கட்சிக்கும், திமுகவுக்கும் இடையே கடும் பூசல் ஏற்பட்டுள்ளது. சட்டசபையில் இரு கட்சிக்கும் இடையே கடும் வாதமும் நடந்தது. திமுகவுடன் கூட்டணி வைத்துள்ள போதிலும், முதல் முறையாக சட்டசபையிலிருந்து காங்கிரஸ் கட்சியினர் வெளிநடப்பும் செய்து திமுக தரப்பை அதிர்ச்சியில் ஆழ்த்தினர்.

இந்த நிலையில் தமிழக காங்கிரஸ் தலைவர் கிருஷ்ணசாமி
திடீரென டெல்லி புறப்பட்டுச் சென்றார். அவர் மாற்றப்படவுள்ளதாகக் கூறப்படுகிறது.

இந் நிலையில் இன்று டெல்லியிலிருந்து திரும்பினார்
கிருஷ்ணசாமி. அங்கு அவரை சூழ்ந்த செய்தியாளர்களிடம், இது சாதாரணமான பயணம்தான். எந்தவித அரசியல் முக்கியத்துவமும், விசேஷமும் கிடையாது.

அடுத்த மாதம் காங்கிரஸ் மண்டல மாநாடு பெறவுள்ளது.
இதுகுறித்து தமிழ காங்கிரஸ் கட்சியின் மேலிட பொறுப்பாளரான அருண்குமாரிடம், விவாதிக்கவே டெல்லி சென்றேன்.

நான் டெல்லி செல்வது புதிதல்ல. மாதா மாதம் போய்க்கொண்டுதான் இருக்கிறேன் என்றார் கிருஷ்ணசாமி.

கிருஷ்ணசாமி இவ்வாறு கூறினாலும் அவரது பதவிக்கு விரைவில் வேட்டு வரலாம் என்று டெல்லி வட்டாரங்கள் தெரிவிக்கின்றன.