• search
For Quick Alerts
ALLOW NOTIFICATIONS  
For Daily Alerts

புது 'வீடு' போகும் விகடன்!

By Staff
|

சென்னை: முன்னணி தமிழ் இதழான விகடன் குழுமம், சென்னை அண்ணா சாலையிலிருந்து அம்பத்தூர் தொழிற்பேட்டைக்கு இடம் மாறுகிறது.

ஆனந்த விகடனாக மக்களுக்கு அறிமுகமாகி பின்னர் ஜூனியர் விகடனாக கிளை பரப்பி, அதைத் தொடர்ந்து சக்தி விகடன், நாணயம் விகடன், சுட்டி விகடன், பசுமை விகடன் என பல்கிப் பெருகி தமிழ் மக்களின் குடும்ப இதழாக விளங்கி வருவது விகடன் குழுமம்.

விகடன் குழுமத்தின் தலைமை அலுவலகம் சென்னை அண்ணா சாலையில், டிவிஎஸ் அலுவலகம் எதிரே இயங்கி வருகிறது. சமீபத்தில் இதன் ஆசிரியர் பிரிவு (எடிட்டோரியல்) மட்டும் கிரீன்வேஸ் சாலைக்கு மாற்றப்பட்டது. அண்ணா சாலையில் அச்சிடும் பணி மட்டும் நடந்து வந்தது.

இந் நிலையில் அம்பத்தூர் தொழிற்பேட்டைக்கு விகடன் குழுமம் இடம் மாறவுள்ளன. அங்கு புதிதாக ஒரு இடம் பார்க்கப்பட்டு விட்டதாம். விரைவில் அனைத்து இதழ்களும் அங்கிருந்தே வெளியாகும் எனத் தெரிகிறது.

அண்ணா சாலையிலிருந்து அம்பத்தூருக்கு ஷிப்ட் ஆகும் 2வது பெரிய பத்திரிகை விகடன். முன்பு நியூ இந்தியன் எக்ஸ்பிரஸ் நாளிதழ் தனது இடத்தை அண்ணா சாலையிலிருந்து அம்பத்தூருக்கு இடம் மாற்றியது என்பது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X