கிளியர்டிரிப்-எச்டிஎப்சி இணைந்து அதிரடி சலுகை

மும்பை: விமான டிக்கெட் புக்கிங் இணையதளமான கிளியர்டிரிப்.காம் மற்றும் எச்.டி.எப்.சி இணைந்து அதிரடி கட்டண சலுகையை அறிமுகப்படுத்தியுள்ளன.

இதன்படி மார்ச் 6ம் தேதி முதல் 14ம் தேதி வரையிலான கால கட்டத்தில், எச்.டி.எப்.சி கிரெடிட் கார்டுகளைப் பயன்படுத்தி கிளியர்டிரிப் மூலம் விமான டிக்கெட் முன்பதிவு செய்வோருக்கு கட்டணத்தில் 50 சதவீத தொகை திருப்பித் தரப்படும்.

இந்த சலுகையைப் பெறுவதற்கான நிபந்தனை என்னவென்றால், வட்ட பயணத்திற்கான 2 பேருக்கான டிக்கெட் முன்பதிவு செய்யப்பட வேண்டும்.

அல்லது, நான்கு அல்லது 5 பேருக்கான ஒரு வழி டிக்கெட் முன்பதிவு செய்யப்பட வேண்டும். ஒரே புக்கிங்காக இவை இருக்க வேண்டும்.

கேஷ் பேக் சலுகையான இது, அடிப்படைக் கட்டணத்தை அடிப்படையாகக் கொண்டு செயல்படுத்தப்படும். அதிகபட்ச கேஷ் பேக் தொகை ரூ. 2000மாக இருக்கும்.

டெக்கான், ஸ்பைஸ்ஜெட், கோ ஏர், இன்டிகோ, ஜெட்லைட் ஆகிய நிறுவனங்களின் விமானங்களுக்கு இந்த கட்டண சலுகை பொருந்தும்.