• search
For Quick Alerts
ALLOW NOTIFICATIONS  
For Daily Alerts

விப்ரோ, இன்போசிஸ்சில் மகளிர் தின சிறப்பு திட்டங்கள்

By Staff
|

பெங்களூர்: உலக மகளிர் தினத்தை முன்னிட்டு ஐ.டி. துறையில் பெண்கள் சிறப்பான இடத்தைப் பெறுவதற்கான பயிற்சி திட்டங்களை விப்ரோ மற்றும் இன்போசிஸ் நிறுவனங்கள் செயல்படுத்தின.

கடந்த மார்ச் 8ம் தேதியன்று உலக மகளிர் தினம் கொண்டாடப்பட்டது. இதையொட்டி பெங்களூரில் உள்ள விப்ரோ நிறுவனத்தில் சிறப்பாகப் பணியாற்றிய பெண் ஊழியர்கள் கௌரவிக்கப்பட்டனர். 'விமன் ஆப் விப்ரோ' என்ற திட்டம் அறிமுகம் செய்யப்பட்டது.

பெண் ஊழியர்களை மட்டும் உறுப்பினர்களாகக் கொண்ட இந்த திட்டத்தின்கீழ் விப்ரோ நிறுவனத்தில் பசுமைப் புரட்சியை ஏற்படுத்தக்கூடிய திட்டங்கள் செயல்படுத்தப்படவுள்ளன. விமன் ஆப் விப்ரோ உறுப்பினர்கள் 'பசுமைத் தூதர்கள்' என்று அழைக்கப்படவுள்ளனர்.

இன்போசிஸ்:

அதேபோல, இன்போசிஸ் நிறுவனத்தில் 'ஸ்பார்க்' என்ற 2 நாள் பயிற்சித் திட்டம் செயல்படுத்தப்பட்டது.

இதில் பெங்களூர், புவனேஸ்வர், சென்னை, சண்டீகர், ஹைதராபாத், மங்களூர், மைசூர், புனே மற்றும் திருவனந்தபுரம் உள்பட நாடு முழுவதும் பல்வேறு எஞ்சினியரிங் கல்லூரிகளைச் சேர்ந்த 1,200 மாணவிகள் கலந்து கொண்டனர்.

அவர்களுக்கு ஐ.டி. துறையில் உள்ள வேலைவாய்ப்புகள் குறித்த விழிப்புணர்வு, ஐ.டி. நிறுவனங்கள் நடத்தும் நேர்காணல்களை எதிர்கொள்ளுவிதம் உள்ளிட்ட விஷயங்களில் பயிற்சி அளிக்கப்பட்டது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X