தங்கம் விலை ரூ.232 சரிந்தது-பவுன் ரூ.9,808

சென்னை: நேற்று பவுன் ரூ. 10,040தைத் தொட்ட தங்கத்தின் விலையில் இன்று ரூ. 232 சரிவு ஏற்பட்டது.

தங்கத்தின் விலை ரூ. 10,000தைத் தாண்டியதும், அடுத்த நாளே ரூ. 232 அளவுக்கு குறைந்ததும் இதுவே முதல் முறையாகும்.

இந்த ஆண்டு தொடக்கத்தில் ரூ.7,900 ஆக இருந்த பவுன் தங்கத்தின் விலை நேற்று ரூ.10,040யை தொட்டு அச்சமூட்டியது.

இதனால் நகைக் கடைகளில் கூட்டமே இல்லை. தங்கம் வாங்க ஆள் இல்லாத நிலை ஏற்பட்டது. இந் நிலையில் இன்று பவுன் தங்கம் விலை ரூ.232 சரிந்தது.

இன்று சென்னையில் பவுன் ரூ.9,808க்கு விற்கப்படுகிறது. ஒரு கிராம் தங்கத்தின் விலை ரூ.1,226ஆக உள்ளது.