தொடர் வீழ்ச்சியில் தங்கம் விலை-ரூ1000 குறைந்தது

சென்னை: கடந்த வாரம் தங்கத்தின் விலை பவுன் ரூ.10,000தைத் தொட்டு அதிர்ச்சிக்குள்ளாக்கிய நிலையில் அதன் விலை படிப்படியாக ரூ.1,000 வரை குறைந்துள்ளது.

நேற்று பவுன் ரூ.9,016க்கு விற்பனை செய்யப்பட்டது.

இந்த ஆண்டுத் தொடக்கத்தில் பவுன் ரூ.8,072க்கு விற்கப்பட்ட தங்கம், இம்மாத தொடக்கத்தில் ரூ.9,264 ஆனது.

உச்சகட்டமாக கடந்த திங்கள்கிழமை பவுன் ரூ.10,000தைத் தாண்டி அதிர்ச்சியில் ஆழ்த்தியது.

இந் நிலையில் அதே வேகத்தில் தங்கத்தின் விலை வீழ்ச்சியடையத் தொடங்கியுள்ளது.

வியாழக்கிழமை பவுன் ரூ.9,030 ஆக குறைந்த தங்கம், நேற்று ரூ.9,016 ஆனது.

விலையேறிய அடுத்த 4 தினங்களில் ஆயிரம் ரூபாய் வரை குறைந்து மக்களை மகிழ்ச்சியடைய வைத்துள்ளது.

இதே நிலை தொடர்ந்தால் அடுத்த 2 நாட்களில் கிராம் ரூ.990 வரை குறையலாம் என்று எதிர்பார்க்கப்படுகிறது.