இந்து கடவுகளை அவமதிப்பதா?-சத்யராஜ் மீது இ.முன்னணி தாக்கு

சென்னை: இந்துக்கள் வழிபடுகின்ற தெய்வங்களுக்கு விரோதமாக பேசிய சத்யராஜை நடிகர் சங்கம் கண்டிக்க வேண்டும் என இந்து முன்னணி அமைப்பாளர் ராம. கோபாலன் கூறியுள்ளார்.

அவர் வெளியிட்டுள்ள அறிக்கையில்,

திரையுலகத்தினர் நடத்திய உண்ணாவிரதப் போராட்டத்தில் நடிகர் சத்யராஜ் இந்துக்கள் வழிபடுகின்ற தெய்வங்களுக்கு விரோதமாக பேசிய பேச்சை இந்து முன்னணி வன்மையாக கண்டிக்கிறது.

முருகன் புகழ் பாடும் சத்யராஜ் எத்தனை முருகன் கோவிலுக்கு சென்று வழிபாடு நடத்தியிருக்கிறார்?. முருகன் கடவுள் இருக்கிறார் என்பதை ஒத்துக் கொள்கிறாரா?, கி.வீரமணியிடம் முருகன் புகழ் பாடுவாரா?.
அவர் இந்து மதத்தை மட்டும் இழிவுபடுத்தி பேசுகிறார். நடிகர் சங்கம் இதை கண்டிக்க வேண்டும்.

'தமிழ் உணர்வு' சத்யராஜ் தமிழ்நாட்டு பெண் நடிகைகளுடன் மட்டும் தான் நடிப்பேன். வேறு மாநில நடிகைகள் வேண்டாம் என்று சொல்வாரா?.

ஓகேனக்கல் கூட்டுக் குடிநீர் திட்டம் சிக்கிரம் நிறைவேற்ற அரசை வற்புறுத்துகிறோம். மத மோதலை உருவாக்கும் சத்யராஜை வன்மையாக கண்டிக்கிறோம் என்று கூறியுள்ளார்.