4 தமிழக டாக்டர்களுக்கு பி.சி.ராய் விருது

சென்னை: சிறந்த மருத்துவப் பணிக்கான டாக்டர் பி.சி.ராய் விருதுக்கு தமிழகத்தை சேர்ந்த 4 டாக்டர்கள் தேர்ந்தெடுக்கப்பட்டுள்ளனர்.

சென்னையைச் சேர்ந்த இரைப்பை - குடல் அறுவைச் சிகிச்சை நிபுணர் என். ரங்கபாஷ்யம், தமிழ்நாடு டாக்டர் எம்.ஜி.ஆர். மருத்துவ பல்கலைக்கழக துணை வேந்தர் டாக்டர் மீர் முஸ்தபா உசேன், ஸ்ரீ ராமச்சந்திரா மருத்துவ பல்கலைக்கழக மனநல மருத்துவத் துறை தலைவர் டாக்டர் ஆர். பொன்னுதுரை, தமிழ்நாடு மருத்துவக் கவுன்சில் துணைத் தலைவர் டாக்டர் எம். எஸ். அஷ்ரப் ஆகியோர் டாக்டர் பி. சி. ராய் விருதுக்கு தேர்வு செய்யப்பட்டுள்ளனர்.

இந்திய மருத்துவக் கவுன்சில் (எம்.சி.ஐ.) இவர்களைத் தேர்வு செய்துள்ளது.