முஸ்லீம்லீக் கட்சியின் மணி விழா மாநாடு - கருணாநிதி பங்கேற்பு

சென்னை: இந்திய யூனியன் முஸ்லீம் லீக் கட்சியின் மணி விழா மாநாடு ஜூன் 21ம் தேதி சென்னையில் நடைபெறுகிறது. இதில் முதல்வர் கருணாநிதி கலந்து கொள்கிறார்.

இதுதொடர்பாக கட்சியின் பொதுச் செயலாளர் டாக்டர் சையத் சத்தார் வெளியிட்டுள்ள அறிக்கையில், இந்திய யூனியன் முஸ்லீம் லீக் கட்சியின் மணி விழா ஜூன் 21ம் தேதி சென்னை தீவுத் திடலில் நடைபெறுகிறது.

மாநாட்டுக்கு காதர் மொய்தீன் எம்.பி. தலைமை தாங்குகிறார். முதல்வர் கருணாநிதி பங்கேற்று உரை நிகழ்த்துகிறார்.

மத்திய அமைச்சர்கள் ஏ.கே.அஹமது, ஜி.கே.வாசன், தி.க. தலைவர் கி.வீரமணி உள்ளிட்டோர் மாநாட்டில் கலந்து கொள்கின்றனர் என்று தெரிவித்துள்ளார்.