ஜெட் ஏர்வேஸ்க்கு சரக்கு போக்குவரத்து விருது

டெல்லி: ஜெட் ஏர்வேஸ் நிறுவனத்துக்கு சிறந்த மத்திய ஆசிய சரக்கு விமானப் போக்குவரத்து சேவைக்கான விருது வழங்கப்பட்டு்ள்ளது.

உலகின் முன்னணி சரக்கு விமான போக்குவரத்து தகவல் பத்திரிகையான ஏர் கார்கோ நியூஸ் நிறுவனம் இந்த விருதை ஜெட் ஏர்வேஸ்க்கு வழங்கியுள்ளது. இந்த விருதுக்கான நிறுவனத்தை ஏர் கார்கோ நியூஸ் பத்திரிகை வாசகர்கள் அளிக்கும் வாக்குகள் அடிப்படையில் தேர்ந்தெடுக்கின்றனர்.

இந்த வாக்கெடுப்பை நடுநிலையான பிரிட்டன் சரக்கு போக்குவரத்து சங்கம கண்காணிக்கிறது.

லண்டனில் நேற்று நடந்த நிகழ்ச்சியில் விருதை பெற்றுக் கொண்ட ஜெட் ஏர்வேஸ் துணைத்தலைவர்(சரக்கு போக்குவரத்து) ஜெய் ஷெலாத் கூறுகையில், இது போன்ற கௌரவங்களால் எங்கள் நிறுவனத்துக்கு இன்னும் அதிகமாக சாதிக்கவேண்டும் என்ற புதிய உத்வேகம் ஏற்படுகிறது.

எங்கள் சேவையை விரிவுபடுத்தும்வகையில் வரும் ஜூன் 14ல் மும்பை- ஷாங்காய்-சான் பிரான்சிஸ்கோ விமான சேவையை முதன்முறையாக தொடங்குகின்றோம் என்றார்.