ஆந்திராவில் லேசான நிலநடுக்கம்

விசாகபட்டிணம்: ஆந்திராவில் நேற்று மாலை 4.50 மணிக்கு லேசான நிலநடுக்கம் ஏற்பட்டது.

விசாகபட்டிணம் மாவட்டத்தின் தென் மேற்கு பகுதியில் ஏற்பட்ட இந்த நிலநடுக்கம் ரிக்டர் அளவுகோளில் 3.7 புள்ளிகளாகப் பதிவானது.

நர்சிபட்டிணத்தில் இதன் தாக்கம் அதிகமாக இருந்தது. 3 வினாடிகள் நீடித்த இந்த நிலநடுக்கத்தையடுத்து மக்கள் அலறியபடி வீடுகளை விட்டு ஓடினர். இதனால் ஏற்பட்ட நெருக்கடியில் சில குழந்தைகள் காயமடைந்தனர். வீடுகளில் பொருட்கள் உருண்டு விழுந்தன.

மேலும் இந்த மாவட்டத்தின் பல பகுதிகளிலும் நிலநடுக்கம் உணரப்பட்டுள்ளது. ஆனால், சேதம் ஏதும் ஏற்படவில்லை.