டீசல் விலை உயர்வு-ரயில் கட்டணம் உயரும்?

சென்னை: டீசல் விலை உயர்ந்துள்ளதால் ரயில் கட்டணங்களும் உயரலாம் என ரயில்வேதுறை இணையமைச்சர் வேலு சூசகமாகத் தெரிவித்தார்.

டீசல் விலை உயர்வால் ரயில்வே துறைக்கு ஏற்படும் வருவாய் இழப்ப்பை சரி செய்ய இந்த நடவடிக்கை எடுக்கப்படலாம் எனத் தெரிகிறது.

இது குறித்து வேலு கூறுகையில், ரயில்வே துறைக்கு ஆண்டுதோறும் ரூ. 5,000 கோடிக்கு டீசல் வாங்கப்படுகிறது. 4 முறை டீசல் விலை உயர்ந்த்தப்பட்ட போதும் ரயில் கட்டணம் உயர்த்தப்படவில்லை. தொடர்ந்து விலை உயர்த்தப்பட்டு வருவதால் கட்டண உயர்வு குறித்து விரைவில் முக்கிய முடிவு எடுக்கப்படும் என்றார்.