இட ஒதுக்கீடு கோரும் மருத்துவ மாணவர்கள்!

சென்னை: மருத்துவப் படிப்பில் சேர விரும்பும் பிற்படுத்தப்பட்ட வகுப்பினருக்கு 5 சதவீத இட ஒதுக்கீடு தர வேண்டும் என்று தமிழ்நாடு மருத்துவ மாணவர் நல சங்கம் கோரிக்கை விடுத்துள்ளது.

இதுகுறித்து அச்சங்கம் வெளியிட்டுள்ள அறிக்கையில், தற்போது பிற்படுத்தப்பட்டோருக்கு வழங்கப்படும் இட ஒதுக்கீட்டிற்குள், 5 சதவீதத்தை மருத்துவப் படிப்பில் சேர விரும்புவோருக்கு உள் ஒதுக்கீடு செய்ய வேண்டும்.

அருந்ததியல், முஸ்லீம்கள், கிறிஸ்தவர்களுக்கு இதுபோல வழங்கப்படுகிறது. அதே அடிப்படையில் மருத்துவம் பயில விரும்பும் பிற்படுத்தப்பட்ட மாணவர்களுக்கும் வழங்க வேண்டும்.

இதன் மூலம் பிற்படுத்தப்பட்டோரின் வாழ்க்கைத் தரம் உயரும் வாய்ப்பு உள்ளது என்று தெரிவிக்கப்பட்டுள்ளது.