பாமக குறித்து கருணாநிதி பேச்சு சரியே-காங்கிரஸ்

சென்னை: ஆற்காடு வீராசாமியின் சிடி பேச்சுக்கு முதல்வர் கருணாநிதி அளித்த பதில் சரியானதுதான் என தமிழக காங்கிரஸ் தலைவர் கிருஷ்ணசாமி கூறியுள்ளார்.

ராமதாசின் சம்பந்தியும் தமிழக காங்கிரஸ் தலைவருமான கிருஷ்ணசாமி சென்னையில் செய்தியாளர்களிடம் பேசுகையில்,

சென்னை திருமண விழாவில் அமைச்சர் ஆற்காடு வீராசாமி சிடி ஒன்றை வெளியிட்டுப் பேசிய பேச்சுக்கு முதல்வர் கருணாநிதி கூறிய கருத்துக்கள் சரியானதே.

கட்சியின் உயர் மட்டக்குழு கூட்டத்தைக் கூட்டி முடிவு அறிவிப்பதாக முதல்வர் தெரிவித்துள்ளார். திமுககூட்டணியில்இடம் பெற்றுள்ள கட்சிகள் கூட்டணி தர்மத்தை மீறும் வகையில் நடக்கக்கூடாது என்பதுதான் எனது வேண்டுகோள்.

தொலைபேசி ஒட்டுக்கேட்பு என்பது மோசமான ஒன்று. இதில் யார் ஈடுபட்டிருந்தாலும் அவர்கள் தண்டிக்கப்பட வேண்டியவர்கள்தான் என்று கூறியுள்ளார் கிருஷ்ணசாமி.