அணு ஒப்பந்தம் கட்டாயம் அமலாகும் - மன்மோகன் சிங் உறுதி

(ஏர் இந்தியா ஒன் விமானத்தில்): அமெரிக்காவுடனான அணு சக்தி ஒப்பந்தத்தை நிறைவேற்றுவதில் மத்திய அரசு உறுதியுடன் உள்ளது. இடதுசாரிகள் அரசுக்கு அளித்து வரும் ஆதரவைத் திரும்பப்ப பெறுவதாக மிரட்டி வருவது குறித்து நான் கவலைப்படவில்லை. கட்டாயம் ஒப்பந்தம் அமலாகும் என்று பிரதமர் மன்மோகன் சிங் திட்டவட்டமாக தெரிவித்துள்ளார்.

ஜி-8 மாநாட்டுக்காக நேற்று ஏர் இந்தியா ஒன் சிறப்பு விமானத்தில் ஜப்பான் சென்றார் பிரதமர் மன்மோகன் சிங். விமானத்தில் செய்தியாளர்களுக்குப் பேட்டி அளித்தார் பிரதமர்.

அப்போது இடதுசாரிகளின் மிரட்டல் குறித்து தான்கவலைப்படவில்ைல என்றும், அணு ஒப்பந்தம் கண்டிப்பாக அமலாகும் என்றும் அவர் உறுதிபடத் தெரிவித்தார்.

பிரதமர் அளித்த பேட்டியிலிருந்து ...

ஆதரவைத் திரும்பப் பெறுவதாக கூறப்படுவது குறித்து நான் கவலைப்படவில்லை. அதுபோன்ற நிலைமை ஏற்பட்டால் அதை சமாளிக்க தேவையான ஏற்பாடுகள் தயாராக உள்ளன. நாங்கள் எதற்கும் தயாராக உள்ளோம்.

ஜி-8 மாநாட்டின்போது பல்ேவறு இரு தரப்பு பேச்சுவார்த்ைதகள் இடம் பெறவுள்ளன. இந்திய-அமெரிக்க அணு சக்தி ஒப்பந்தம் நிறைவேறுவது தொடர்பாக சர்வதேச அணு சக்தி ஏஜென்சி மற்றும் என்.எஸ்.ஜி ஆகிய அமைப்புகளில் இடம் பெற்றுள்ள நாடுகளின் உதவியை இந்தியா கோரும்.

இதுதொடர்பாக சர்வதேச அணு சக்தி ஏஜென்சி கவர்னர்கள் போர்டை இந்தியா எப்போது அணுகும் என்பதை இப்போது சொல்ல முடியாது. ஆனால் விரைவில் அது நடைபெறும். போர்டும் விரைவான முடிவை எடுக்கும் என்று நம்புகிறோம். இதற்கு உலக நாடுகள் இந்தியாவுக்கு உதவும் என்ற நம்பிக்கையும் உள்ளது.

அதிர்ஷ்டவசமாக வல்லரசு நாடுகளான அமெரிக்கா, ரஷ்யா, பிரான்ஸ், இங்கிலாந்து ஆகியவற்றின் ஆதரவு இந்தியாவுக்கு உள்ளது.

சர்வதேச அணு சக்தி கவுன்சின் ஒப்புதல் கிடைப்பதில் பெரிய சிரமம் இருப்பதாக நான் நினைக்கவில்லை. ஆனால் அதற்கு எவ்வளவு காலம் பிடிக்கும் என்பதுதான் இப்போது கணிக்க முடியாததாக உள்ளது.

சீனத் தலைவர்களுடனும் அணு சக்தி ஒப்பந்தம் குறித்து விவாதித்துள்ளோம். இதை சீனா எதிர்க்காது என்றும் உறுதியாக நம்புகிறோம்.

அமெரிக்க அதிபர் புஷ்ஷை சந்திக்கும்போது, ஒப்பந்தத்ைத நிறைவேற்றுவதில் இன்னும் நிறைவேற்றப்படவுள்ள கமிட்மென்ட்கள் குறித்து அவரிடம் எடுத்துச் சொல்வேன். இந்த ஒப்பந்தத்தை நிறைவேற்ற நான் கடுமையாக முயற்சித்து வருகிறேன். அதை அமல்படுத்தும் வரை நான் கடுமையாக முயற்சிப்பேன். அரசும் இதில் உறுதியாக உள்ளது என்றார் மன்மோகன் சிங்.

அணு சக்தி ஒப்பந்தத்தை அமல்படுத்துவது தொடர்பாக திட்டவட்டமான, உறுதியான கருத்தை பிரதமர் மன்மோகன் சிங் முதல் முறையாக வெளிப்படுத்தியுள்ளார். அவரது இந்த கருத்தின் மூலம் இடதுசாரிகளை ஐக்கிய முற்போக்குக் கூட்டணி அரசு முற்றிலும் கைவிட முடிவு செய்து விட்டது உறுதியாகியுள்ளது.

--