நீக்கப்பட்ட பாஜக எம்.பிக்களுக்கு காங். அழைப்பு

பெங்களூர்: மாற்றி ஓட்டுப் போட்டதற்காக பாஜகவிலிருந்து நீக்கப்பட்ட எம்.பிக்கள் காங்கிரஸில் இணைய வேண்டும் என கர்நாடக காங்கிரஸ் தலைவர் மல்லிகார்ஜூன கார்கே வேண்டுகோள் விடுத்துள்ளார்.

பெங்களூரில் செய்தியாளர்களிடம் அவர் பேசுகையில், மனோரமா மாதவராஜ், சங்கிலியானா, மஞ்சுநாத் குன்னூர் ஆகியோர் பாஜகவிலிருந்து நீக்கப்பட்டுள்ளனர். அவர்களுக்கு காங்கிரஸ் கதவுகள் திறந்தே இருக்கின்றன.

நீக்கப்பட்ட பாஜக எம்.பிக்கள் ஐக்கிய முற்போக்குக் கூட்டணி அரசுக்கு ஆதரவாக வாக்களித்துள்ளனர். எனவே அவர்கள் காங்கிரஸில் இணைய வேண்டும்.

கர்நாடக மாநில காங்கிரஸுக்கு புதிய தலைவர் நியமிக்கப்படவுள்ளார். இதுகுறித்த அறிவிப்பு ஆகஸ்ட் முதல் வாரத்தில் வெளியாகும் என்றார் கார்கே.