பண வீக்கம் 11.98 சதவீதமாக உயர்ந்தது

டெல்லி: பண வீக்கம் மேலும் அதிகரித்து, 11.98 சதவீதமாக உயர்ந்துள்ளது.

நாட்டின் பண வீக்கம் வரலாறு காணாத அளவுக்கு உயர்ந்து வருகிறது. 12 சதவீதத்தை எட்டியுள்ள பண வீக்கத்தால் பொருளாதார நிபுணர்கள் பெரும் கவலை அடைந்துள்ளனர்.

ஜூலை 12ம்தேதியுடன் முடிவடைந்த வாரத்தில் பண வீக்க விகிதம் 11.89 சதவீதமாக இருந்தது. இந்த நிலையில் ஜூலை 19ம் தேதியுடன் முடிந்த வாரத்தில் பண வீக்கம் மேலும் அதிகரித்து 11.98 சதவீதமாக உள்ளது.

கடந்த வார மார்க்கெட் நிலவரப்படி உணவுப் பொருட்களின் விலை 0.6 சதவீதம் உயர்ந்துள்ளது. ஜவுளிப் பொருட்ளின் விலை 0.9 சதவீதம் உயர்ந்துள்ளது.