வணிகர்கள் கடையடைப்பு போராட்டம்: வைகோ ஆதரவு

மதுரை: மின் வெட்டை கண்டித்து நாளை மாநிலம் முழுவதும் நடைபெற உள்ள வணிகர் சங்க பேரவை போராட்டத்துக்கு மதிமுக ஆதரவு அளிக்கும் என்று அக்கட்சியின் பொதுச் செயலாளர் வைகோ தெரிவித்துள்ளார்.

இது குறித்து அவர் வெளியிட்டுள்ள அறிக்கையில் கூறியிருப்பதாவது:

நாட்டின் அனைத்து தரப்பு மக்களையும் மின் வெட்டு கடுமையாக பாதித்துள்ளது. தமிழகத்தில் மின் வெட்டை கண்டித்தும், பெட்ரோல், டீசல், தட்டுபாடு நிலையை சரிபடுத்தக் கோரியும், விலைவாசி உயர்வை கண்டித்தும் வணிகர் சங்க பேரவை நடத்தும் கடையடைப்பு போராட்டம் இன்றைய கால கட்டத்தில் நியாமானது ஆகும்.

மக்கள் நலனுக்காக தமிழகம் முழுவதும் நாளை நடைபெறும் வணிகர் சங்க பேரவை நடத்தும் கடையடைப்பு போராட்டத்திற்கு மதிமுக ஆதரவளிக்கிறது என்று கூறியுள்ளார்.