மருத்துவமனையில் முதல்வர் மகள் செல்வி

சென்னை: முதல்வர் கருணாநிதியின் மகள் செல்வி உடல்நலம் பாதிக்கப்பட்டு சென்னை தனியார் மருத்துவமனையில் அட்மிட் செய்யப்பட்டுள்ளார்.

முதல்வர் கருணாநிதியின் மகளும், முரசொலி செல்வத்தின் துணைவியுமான செல்வி பெங்களூரில் வசித்து வருகிறார். அவருக்கு உடல்நல குறைவு ஏற்பட்டதாக கூறப்படுகிறது. இதனைத் தொடர்ந்து பெங்களூரில் இருந்து விமானம் மூலம் சென்னைக்கு வந்தார்.

விமான நிலையத்திலிருந்து நுங்கம்பாக்கத்திலுள்ள தனியார் மருத்துவமனைக்கு அழைத்துச் செல்லப்பட்டு அட்மிட் செய்யப்பட்டுள்ளார். அவருக்கு சிகிச்சை அளிக்கப்பட்டு வருகிறது.

மாறன் சகோதரர்களுக்கும், முதல்வர் குடும்பத்தினருக்கும் இடையே சமரச முயற்சியில் செல்வி ஈடுபட்டு வந்தது குறிப்பிடத்தக்கது.