11.44 சதவிகிதமாக குறைந்தது பணவீக்கம்!

மும்பை: கடும் நிதி நெருக்கடி, இறக்கை கட்டிப் பறக்கும் நுகர்பொருட்களின் விலைவாசிக்கு மத்தியில் யாரும் எதிர்பார்க்காத வகையில் நாட்டின் பணவீக்கம் ஓரளவு குறைந்துள்ளது.

கடந்த வாரம் 11.80 சதவிகிதமாக இருந்த பணவீக்கம் இன்று 11.44 சதவிகிதமாகக் குறைந்துள்ளது.

இந்த திடீர் குறைவுக்குக் காரணமாக, மூலதனப் பொருட்களின் விலையில் ஏற்பட்டுவரும் மாற்றங்களைக் கூறுகின்றனர் பொருளாதார அறிஞர்கள்.

கடந்த ஆகஸ்ட் மாதம் மிக அதிகபட்சமாக 12.91 சதவிகிதத்திலிருந்தது பணவீக்கம்.

ஆனால் இந்தப் போக்கு நிலையானதல்ல என்றும், அடுத்த சில வாரங்களில் கடும் பணவீக்கத்தைச் சந்திக்க நாடு தன்னைத் தயார்படுத்திக் கொள்ள வேண்டியிருப்பதாகவும் வல்லுநர்கள் எச்சரித்துள்ளனர்.