மெக்சிகோவில் ஐகேட் அலுவலகம் திறப்பு

பெங்களூர்: ஐகேட் கார்ப்பரேஷன் நிறுவனத்தின் கிளை அலுவலகம் மெக்சிகோவில் திறக்கப்பட்டுள்ளது.

மெக்சிகோவிவின் கு அடலஜாரா நகரில் 2 மில்லியன் அமெரிக்க டாலர் மதிப்பீட்டில் இந்த கிளை அலுவலகம் திறக்கப்பட்டுள்ளது.

ஐகேட் குளோபல் சொலூஷன்ஸ் மெக்சிகோ எஸ்ஏ டி சிவி என பெயரிடப்பட்டுள்ள இந்த நிறுவனம் அமெரிக்க மற்றும் லத்தீன் அமெரிக்க வாடிக்கையாளர்களின் தகவல் தொழில்நுட்பம், பிபிஓ தேவைகளை பூர்த்தி செய்யும். உள்ளூர் பணியாளர்களை பெருமளவில் இந்த கிளை அலுவலகத்தில் ஐகேட் பயன்படுத்திக் கொள்ளும்.

ஏற்கனவே ஐகேட் நிறுவனத்தின் கிளைகள் அமெரிக்கா, கனடா, இந்தியா, மலேசியா, ஆஸ்திரேலியா, இங்கிலாந்து ஆகிய நாடுகளில் உள்ளது குறிப்பிடத்தக்கது.

தற்போது 25 பேருடன் தொடங்கப்பட்டுள்ள மெக்சிகோ கிளை, 2010ம் ஆண்டு வாக்கில் 100 பேராக உயரும் எனத் தெரிவிக்கப்பட்டுள்ளது.

இதுகுறித்து ஐகேட் நிறுவனத்தின் தலைமை செயலதிகாரி பானீஷ் மூர்த்தி கூறுகையில், மெக்சிகோ, அமெரிக்காவுக்கு அருகில் உள்ளது. எனவேதான் அங்கு எங்களது கிளையை அமைக்க தீர்மானத்தோம் என்றார்.