ரூபாயின் மதிப்பு படு வீழ்ச்சி!

மும்பை: முன்னெப்போதும் இல்லாத அளவுக்கு மோசமாக வீழ்ச்சியடைந்துள்ளது ரூபாயின் மதிப்பு. ஒரு டாலருக்கு நிகரான ரூபாய் மதிப்பு இன்று 50.15 ஆகக் குறைந்துவிட்டது.

நேற்று மாலை 49.81 ரூபாயாக இருந்த ஒரு டாலரின் மதிப்பு, இன்று காலை வர்த்தக நேரத்தின் ஆரம்பத்திலேயே 50 ரூபாயைத் தாண்டியது.

ஆசிய பங்குச் சந்தைகள் முன்னெப்போதுமில்லாத அளவு சரிவைச் சந்திக்க ஆரம்பித்துள்ளதால், ரூபாயின் மதிப்பு மேலும் வீழ்ச்சியடைக்கூடும் எனத் தெரிகிறது.

கொரிய பங்குச் சந்தை இன்று காலையிலேயே 1000 புள்ளிகளுக்கும் மேல் சரிந்து, நிதி அமைப்பையே ஆட்டங்கான வைத்துள்ளது.

ஜப்பானின் பங்குச் சந்தை குறியீட்டெண் 4 சதவீதம் வரை குறைந்துவிட்டது. அதே போல ஐரோப்பிய பங்குச் சந்தைகளிலும் இன்று பெரும் வீழ்ச்சி ஏற்பட்டது.