நானும் அஜீத்தும் நன்றி கெட்டவர்கள் அல்ல-அர்ஜூன்

சென்னை: நானும் சரி, அஜீத்தும் சரி, தமிழர்களுக்கு எதிராக செயல்படும் அளவுக்கு நன்றி கெட்டவர்கள் அல்ல என்று நடிகர் அர்ஜூன் கூறியுள்ளார்.

சென்னையில் நடந்த நடிகர் சங்க உண்ணாவிரதப் போராட்டத்தில் கலந்து கொண்டு பேசிய நடிகர் அர்ஜூன், என்னைப் பற்றியும், அஜீத் குறித்தும் கடுமையாக விமர்சித்தன். நாங்கள் தமிழர்களுக்கு எதிராக பேசியதாக கூறப்பட்டது.

தமிழர்களால்தான் நாங்கள் வளர்ந்தோம். எனவே தமிழர்களுக்கு எதிராக பேசும் அளவுக்கு நான் நன்றி கெட்டவன் அல்ல. அஜீத்தும் நன்றி கெட்டவர் அல்ல. நாங்கள் மட்டுமல்ல அனைத்து நடிகர், நடிகைகளும் தமிழர்களுக்கு ஒருபோதும் துரோகம் இழைக்க மாட்டார்கள் என்பதை உறுதியாக கூறிக் கொள்கிறேன்.

இலங்கையில் தமிழர்கள் படும் அவலங்கள், துயரங்களை நான் வீடியோவில் பார்த்தேன். மனதுக்கு மிகவும் வேதனையாக இருந்தது. இந்த நிலை மாற இறைவனை வேண்டுகிறேன் என்றார்.