இலங்கை நிதிக்கு ஷூ பாலீஷ் மூலம் ரூ5540

நெல்லை: இலங்கை தமிழர்களுக்காக ஷூக்களை பாலீஷ் செய்து ரூ. 5,540 நிதி திரட்டிய இளைஞர் அதை கலெக்டரிடம் அளித்தார்.

இலங்கை தமிழ் மக்களின் மறுவாழ்வுக்காக பாளை புதிய பஸ் ஸ்டாண்டில் கடந்த 31ம் தேதி முதல் 5ம் தேதி வரை தினம் 2 மணி நேரம் வீதம் மொத்தம் 10 மணி நேரம் பயணிகளின் ஷூக்களை பாப்புராஜ் என்பவர் பாலீஷ் செய்தார்.

இதன் மூலம் கிடைத்த ரூ.5,540யை கலெக்டர் பிரகாஷிடம் அவர் அளித்தார். அப்போது சிரஸ்தார் பால் சுப்பையாவும் உடனிருந்தார்.