ரோல்ஸ் ராய்ஸ், போயிங் உள்பட 5 நிறுவனங்களில் 9,000 பேர் குறைப்பு!

நியூயார்க்: ரோல்ஸ்ராய்ஸ், ப்யூஜியோ, பிரிட்டிஷ் பார்மா மற்றும் அமெரிக்காவின் போயிங் உள்ளிட்ட ஐந்து பெரும் நிறுவனங்கள் 9000 ஊழியர்களை நீக்கியுள்ளன.

அமெரிக்க – ஐரோப்பிய நாடுகள் தொடர்ந்து வேலைக் குறைப்பு, ஊழியர் நீக்கம் என கடும் நடவடிக்கைகளைத் தொடர்ந்து வருகின்றன.

அமெரிக்காவின் மிகப் பெரிய வங்கியான சிட்டி குரூப் 75,000 பணியாளர்களை நீக்கவிருப்பதாக அறிவித்து, முதல்கட்டமாக 26,000 பேரை வீட்டுக்கு அனுப்பிவிட்டது. மீதம் உள்ள 49,000பேர் இந்த மாதம் முதல் நீக்கப்படுவார்கள் எனத் தெரிகிறது.

அந்த அதிர்ச்சியிலிருந்து மீள்வதற்குள், ஐரோப்பாவின் புகழ்பெற்ற ரோல்ஸ்ராய்ஸ் (2,700) மற்றும் பியூஜியோ சிட்ரியோன் (2,000) நிறுவனங்கள் ஆட்குறைப்பு நடவடிக்கையை அறிவித்துள்ளன. மேலும் 2,000 பேரை குறைக்கப் போவதாக ரோல்ஸ்ராய்ஸ் அறிவித்துள்ளது.

விமான தயாரிப்பு தவிர, அமெரிக்க பாதுகாப்புத் துறைக்கு ஆயுதங்கள் உற்பத்தி செய்து தரும் போயிங் நிறுவனமும் 1,400 பணியாளர்களை நீக்கியுள்ளது.

பிரிட்டிஷ் பார்மா, அஸ்ட்ரா ஜெனிகா நிறுவனங்களும் ஆட்குறைப்பை அறிவித்துள்ளன.