தேசிய அளவில் சிறந்த மாநகராட்சியாக மதுரை தேர்வு

மதுரை: தேசிய அளவில் சிறந்த மாநகராட்சியாக மதுரை மாநகராட்சி தேர்வு பெற்றுள்ளது.

ஜவஹர்லால் நேரு நகர்புற புனரமைப்புத் திட்டத்தின் கீழ் குடிநீர் மேம்பாடு, பாதாள சாக்கடைத் திட்டம், மற்றும் ஒட்டுமாத்த ஜஹவர்லால் நேரு நகர்ப்புற புனரமைப்புத் திட்டப் பணிகளை சிறப்பாக மதுரை மாநகராட்சி செயல்படுத்தியுள்ளது.

இதற்காக இந்தியாவிலேயே சிறந்த மாநகராட்சியாக மதுரை மாநகராட்சியை மத்திய அரசின் நகர்ப்புற மேம்பாட்டுத்துறை அமைச்சகம் தேர்வு செய்து அறிவித்துள்ளது.

இதற்காக மதுரை மாநகராட்சிக்கு பாராட்டு சான்றிதழும், பரிசும் கிடைத்துள்ளது. இதுகுறித்த தகவலை மேயர் தேன்மொழி தெரிவித்துள்ளார்.