8 சதவீதமாக இறங்கியது பணவீக்கம்!!

டெல்லி: நாட்டின் பணவீக்க விகிதம் கடந்த 8 மாதங்களில் முதல் முறையாக 8 சதவீதமாக இறங்கி வந்துள்ளது.

இந்த வார நிலவரப்படி பணவீக்கம் 8 சதவீதமாக உள்ளது. கடந்த ஏப்ரலில் 7.95 ஆக இருந்த பணவீக்கம், அதன் பிறகு கிடுகிடுவென உயர்ந்து 12.91 சதவீதத்துக்குப் போய் பயமுறுத்தியது. இதைக் கட்டுப்படுத்த பல்வேறு பொருளாதார நடவடிக்கைகளை மேற்கொண்டது மத்திய அரசு மற்றும் ரிசர்வ் வங்கி.

ஆனால் சர்வதேச நிதி நிலைமை கடும் நெருக்கடியில் சிக்கியதால், பொருளாதாரத்தை சாதாரண நிலைக்குக் கொண்டு வர, பல்வேறு நிதிச் சலுகைகளை அறிவித்து வருகிறது மத்திய அரசு. சமீபத்தில் ரூ.75,000 மதிப்புள்ள நிதிச் சலுகைகளை அறிவித்துள்ளது மத்திய அரசு. மேலும் பெட்ரோலியப் பொருட்களின் விலை ஓரளவு குறைக்கப்பட்டதாலும் பணவீக்கம் தரைக்குத் திரும்ப ஆரம்பித்துள்ளது.

பணவீக்க விகிதம் இன்னும் கூட குறைய வாய்ப்பிருப்பதாக நிபுணர்கள் தெரிவித்துள்ளனர்.