திருமங்கலம் தொகுதி-ஜன 9ம் தேதி இடைதேர்தல்

டெல்லி: மதுரை மாவட்டம் திருமங்கலம் சட்டசபைத் தொகுதிக்கு ஜனவரி 9ம் தேதி இடைத் தேர்தல் நடைபெறும் என அறிவிக்கப்பட்டுள்ளது.

திருமங்கலம் தொகுதியில் மதிமுகவைச் சேர்ந்த வீர. இளவரசன் உறுப்பினராக தேர்ந்தெடுக்கப்பட்டார். சமீபத்தில் அவர் உடல் நலம் பாதிக்கப்பட்டு உயிரிழந்தார்.

இதையடுத்து திருமங்கலம் தொகுதிக்கு இடைத் தேர்தல் அறிவிக்கப்பட்டுள்ளது.

அதன்படி ஜனவரி 9ம் தேதி தேர்தல் நடைபெறவுள்ளது.

தேர்தல் அட்டவணை:

தேர்தல் குறித்த அறிவி்ப்பு - டிசம்பர் 15.
வேட்பு மனு தாக்கல் தொடக்கம் - டிசம்பர் 15.
வேட்பு மனு தாக்கலுக்கு கடைசி நாள் - டிசம்பர் 22.
மனுக்கள் பரிசீலனை - டிசம்பர் 23.
வேட்பு மனுக்களை வாபஸ் பெற கடைசி நாள் - டிசம்பர் 26.
வாக்குப் பதிவு - ஜனவரி 9.
வாக்கு எண்ணிக்கை - ஜனவரி 12.
தேர்தல் நடைமுறை முடிவு - ஜனவரி 15.

இதற்கான அறிவிப்பை தேர்தல் ஆணையம் வெளியிட்டுள்ளது.

தேர்தல் அறிவிப்பைத் தொடர்ந்து திருமங்கலம் தொகுதியில், தேர்தல் நடத்தை விதிமுறைகள் உடனடியாக அமலுக்கு வந்துள்ளன.