எல்.டி.டி.இ எதிர்ப்பு: தங்கபாலுவுக்கு மிரட்டல் கடிதம்

சென்னை: விடுதலைப் புலிகளுக்கு எதிராக பேசக் கூடாது என்று கூறி காங்கிரஸ் தலைவர் தங்கபாலுவுக்கு மிரட்டல் கடிதம் வந்துள்ளதாக சென்னை போலீஸ் கமிஷனரிடம் புகார் கொடுக்கப்பட்டுள்ளது.

இதுதொடர்பாக தங்கபாலு சார்பில் காங்கிரஸ் நிர்வாகி தாமமோதரன் என்பவர் ஆணையர் அலுவலகத்தில் புகார் கொடுத்துள்ளார். அதில், நவம்பர் 25ம் தேதி தங்கபாலுவின் வீட்டுக்கு ஒரு மிரட்டல் கடிதம் வந்தது.

அதில், எங்களது உத்தரவுகளுக்கு கட்டுப்பட்டு நடக்க வேண்டும். உங்களது பாதைய மாற்றிக் கொள்ள வேண்டும் என்று மிரட்டப்பட்டுள்ளது என்று கூறியுள்ளார்.

இந்த மிரட்டல் கடிதம் எழும்பூரிலிருந்து அனுப்பப்பட்டிருப்பதாக போலீஸார் தெரிவித்துள்ளனர்.