9 மாதங்களில் இல்லாத அளவு குறைந்தது பணவீக்கம்

டெல்லி: கடந்த 9 மாதங்களில் முதல் முறையாக 7 சதவிகிதத்துக்கும் கீழே குறைந்துள்ளது நாட்டின் பணவீக்கம்.

இந்த வார நிலவரப்படி பணவீக்கத்தின் விகிதம் 6.84 சதவிகிதம்.

பெட்ரோல், டீசல் விலைக் குறைப்பு மற்றும் நாட்டின் பொருளாதாரத்தை இயல்பாக்க அரசும் ரிசர்வ் வங்கியும் எடுத்துள்ள நடவடிக்கை காரணமாகவே இந்த விலைக்குறைவு சாத்தியமாகியுள்ளதாக நிதித்துறை அறிவித்துள்ளது.

கடந்த வாரம் பணவீக்கம் 8 சதவிகிதமாக இருந்தது. ஒரே வாரத்தில் 1.16 சதவிகிதம் விலைகள் குறைந்துள்ளது குறிப்பிடத்தக்கது.

கடந்தமார்ச் மாதம் பணவீக்கம்6.21 சதவிகிதமாக இருந்தது. அதுவே கடந்த ஆண்டு மார்ச்சில் 3.84 சதவிகிதமாக இருந்தது.

எரிபொருள் மற்றும் மின்சாரம் தொடர்பான துறைகளில் 3.7 சதவிகித அளவுக்கு ஏற்பட்டுள்ள விலை வீழ்ச்சியே இந்த நிலைக்குக் காரணம் என்று கூறப்பட்டுள்ளது.

வருகிற வாரங்களிலும் இனி இதே போக்கு தொடருமே என நம்புகின்றனர் பொருளாதார வல்லுநர்கள்.