அரசு கேபிள் மூலம் சன் டிவி ஒளிபரப்பு - நிர்வாக இயக்குநர்

சென்னை: தமிழக அரசின் அரசு கேபிள் டிவி மூலம் சன் டிவியும் இனி ஒளிபரப்பப்படும் என அரசு கேபிள் டிவி கழக நிர்வாக இயக்குநர் உமாசங்கர் தெரிவித்துள்ளார்.

தமிழக அரசு சார்பில் தொடங்கப்பட்டுள்ள அரசு கேபிள் டிவி தமிழகத்தின் அனைத்து மாவட்டங்களிலும் தனது ஒளிபரப்பை மேற்கொண்டுள்ளது. சென்னையில் மட்டும் இன்னும் தொடங்கப்படவில்லை.

அரசு கேபிள் டிவியில் இதுவரை சன் டிவி தெரியாமல் இருந்து வந்தது. தற்போது சன் டிவியும் அரசு கேபிள் மூலம் ஒளிபரப்பு செய்யப்படவுள்ளது.

இதுகுறித்து அரசு கேபிள் டிவி கழக நிர்வாக இயக்குநர் உமாசங்கர் கூறுகையில், அரசு கேபிள் மூலம் சன் டிவியையும் காட்ட முயற்சி நடந்தது. அதற்கு சன் டிவி நிர்வாகம் ஒப்புதல் அளித்துள்ளது. இதையடுத்து சன் டிவியும் இனிமேல் அரசு கேபிள் மூலம் தெரியும் என்றார்.