பாதுகாப்புத் துறைக்கு தனி ஊதிய கமிஷன்!

டெல்லி: பாதுகாப்புத்துறையினருக்கு புத்தாண்டுப் பரிசாக, தனி ஊதியக் கமிஷன் அமைக்கப்படும் என பிரதமர் அலுவலகம், பாதுகாப்புத்துறை தகவல் அனுப்பியுள்ளது.

இதுகுறித்து பிரதமர் அலுவலகத்திலிருந்து பாதுகாப்புத்துறைக்கு அனுப்பியுள்ள செய்திக்குறிப்பில், வழக்கமாக உள்ள ஊதியக் கமிஷன் பட்டியலிலிருந்து பாதுகாப்புத்துறை விலக்கப்படுகிறது. அதற்குப் பதில் பாதுகாப்புத் துறைக்கென தனி ஊதியக் கமிஷன் அமைக்கப்படும்.

மேலும், 6வது ஊதியக் கமிஷனின், 4ம் நிலை ஊதியப் பட்டியலின் கீழ், கடற்படை மற்றும் விமானப்படை அதிகாரிகளுக்கு இணையாக 12 ஆயிரம் லெப்டினென்ட் கர்னல்கள் சேர்க்கப்படுவார்கள் என்று தெரிவிக்கப்பட்டுள்ளது.