முன்னாள் ஜனாதிபதி ஆர்.வெங்கடராமன் கவலைக்கிடம்

டெல்லி: முன்னாள் ஜனாதிபதி ஆர்.வெங்கடராமனின் நிலைமை தொடர்ந்து 9வது நாளாக கவலைக்கிடமாக இருக்கிறது.

இந்தியாவின் எட்டாவது ஜனாதிபதியாக 1987 ஜூலை 25 முதல் 1992 ஜூலை 25 வரை பதவி வகித்தவர் ஆர்.வெங்கடராமனன்.

தற்போது 98 வயதான இவர் கடந்த 12ம் தேதி டெல்லியில் உள்ள ராணுவ ஆஸ்பத்திரியில் நீர்ச்சத்து குறைவு காரணமாக, அனுமதிக்கப்பட்டார். இவரது நிலைமை தொடர்ந்து கவலைக்கிடமாக இருக்கிறது.

இவரது உடல்நிலை குறித்து மருத்துமனையின் நிர்வாக தலைவர் பிரிகேடியர் ஏ.கே.சர்மா கூறுகையில், அவருக்கு செயற்கை சுவாசம் அளிக்கப்பட்டு வருகிறது. அவரது உடல்நிலை தொடர்ந்து மோசமாக உள்ளது.

அவருக்கு சிறுநீரக தொற்று நோய், சுவாசக் கோளாறு, நிமோனியா ஆகியவையும் இருப்பதாக பரிசோதனையில் கண்டறியப்பட்டுள்ளது. அவருக்கு தொடர்ந்து தீவிர சிகிச்சை அளித்து வருகிறார்கள் என்றார்.