வாஷிங் மெஷினில் விழுந்து 4 வயது குழந்தை பலி

சான்டீயாகோ: அமெரிக்காவின் கலிபோர்னியா மாகாணத்தில் 4 வயது பெண் குழந்தை வாஷிங் மெஷினில் விழுந்து பலியானது.

அமெரிக்காவின் கலிபோர்னியா மாகாணத்தில் ஆரஞ்சு கவுன்டி பகுதியில் மிசன் வீஜோ என்ற நகரம் உள்ளது. இங்கு கய்லே இஷி என்ற நான்கு வயது பெண் குழந்தை ஒன்று தனது 15 மாத தம்பியுடன் விளையாடி கொண்டிருந்தாள்.

தம்பிக்கு விளையாட்டு காட்டும் நோக்கில் துவைப்பதற்கு நீர் ஊற்றி வைக்கப்பட்டிருந்த வாஷிங் மெஷினுக்குள் இறங்கினாள். அப்போது அவளது தம்பி வாஷிங் மெஷினின் பட்டனை தெரியாமல் தட்டிவிட்டான். இதையடுத்து அந்த குழந்தை நீரில் முழ்கி மயக்கமடைந்தது.

அக்குழந்தையின் தாயார் அதை இரண்டு நிமிடங்களுக்கு பின்னரே பார்த்தார். அதற்குள் குழந்தை இறந்து போயிருந்தது.