இங்கிலாந்து-பிரான்ஸ் அணு நீ்ர்மூழ்கிகள் மோதல்!

லண்டன்: இங்கிலாந்து, பிரான்ஸ் நாடுகளைச் சேர்ந்த இரு அணு நீர்மூழ்கிக் கப்பல்கள் அட்லாண்டிக் கடலில் மோதிக் கொண்டன. அணு ஆயுதங்களைக் கொண்ட இந்த நீர்மூழ்கிகள் மோதலால் அணுக் கசிவு ஏதும் ஏற்படவி்ல்லை என்று தெரிகிறது.

இம் மாத துவக்கத்தில், 3 அல்லது 4ம் தேதி இந்த விபத்து நடந்துள்ளது. இங்கிலாந்தின் எச்எம்எஸ் வேன்கார்ட் என்ற நீர்மூழ்கியும், பிரான்சின் லெ டிரையோம்பண்ட் என்ற நீர்மூழ்கியும் தான் விபத்தி சிக்கியவை.

அணு சக்தியால் இயங்கும் இந்த ஏவுகணைகளில் 250க்கும் மேற்பட்ட வீரர்களும் ஏராளமான அணு ஆயுதங்களும் இருந்தன. இந்த மோதலை இரு நாடுகளுமே மூடி மறைத்தன. ஆனால், இப்போது இங்கிலாந்தின் சன் பத்திரிக்கை மூலம் விஷயம் வெளியே வந்துவிட்டது.

இதையடுத்து இந்த மோதலால் அணுக் கசிவு ஏதும் இல்லை என இரு நாடுகளும் இப்போது கருத்துத் தெரிவித்துள்ளன. ஆனாலும் எச்எம்எஸ் வேன்கார்ட் இப்போது ஸ்காட்லாந்தின் பஸ்லேன் துறைமுகத்தில் ரிப்பேருக்குக்காக கொண்டு வரப்பட்டுள்ளது குறிப்பிடத்தக்கது.

எச்எம்எஸ் நீர்மூழ்கிகள் SSBN என்ற வகையை சேர்ந்தது (Ship Submersible Ballistic Nuclear). இதிலுள்ள 16 டிரைடண்ட் 2டி5 ஏவுகணைகளால் தலா 12 அணு ஆயுதங்களை ஏந்திச் செல்ல முடியும்.

அதே போல பிரான்சின் லெ டிரையோம்பண்ட் நீர்மூழ்கியில் 16 எம் 51 ரக (Ship launch Ballistic Missles-SLBM) அணு ஆயுத ஏவுகணைகள் உள்ளன என்பது குறிப்பிடத்தக்கது.