பவுன் தங்கம் விலை ஒரே நாளில் ரூ. 136 குறைந்தது

சென்னை: தாறுமாறாக எகிறி வந்த தங்கத்தின் விலை இன்று ஒரே நாளில் பவுனுக்கு ரூ. 136 குறைந்துள்ளது.

உலக பொருளாதார நெருக்கடியை தொடர்ந்து நிலம் மற்றும் பங்கு சந்தையில் முதலீடு செய்வதை விட தங்கத்தில் பணத்தை போட்டவர்களுக்கு அதிக லாபம் கிடைத்தது. இதையடுத்து அனைவரும் இருக்கும் காசை தங்கமாக மாற்ற முயன்றனர்.

இதனால் தங்கத்தின் விலை தாறுமாறாக உயரத் துவங்கியது. இந்தாண்டின் துவக்கத்தில் ஒரு பவுன் ரூ. 11,000த்தை எட்டியது. கடந்த வாரம் 11,596 ஆக உயர்ந்தது. விரைவில் 12,000த்தை தொடும் என எதிர்பார்க்கப்பட்டது.

இந் நிலையில் தங்கத்தின் விலை கடந்த இரண்டு நாட்களாக சற்று குறைய ஆரம்பித்துள்ளது. இன்று ஒரே நாளில் பவுனுக்கு 138 ரூபாய் குறைந்துள்ளது. பவுன் ரூ. 11,448க்கு விற்கப்படுகிறது.

அதாவது ஒரு கிராம் தங்கத்தின் விலை ரூ.1,431 ஆக உள்ளது.

வெள்ளி கிலோ ஒன்று ரூ. 23,855க்கு விற்பனை செய்யப்பட்டு வருகிறது.