தங்கம் விலை பவுனுக்கு ரூ.296 குறைந்தது

சென்னை: தங்கத்தின் விலை படிபடியாக குறைந்து வருகிறது. நேற்று ஒரே நாளில் ரூ. 296 குறைந்தது.

சமீபகாலமாக நடுத்தர மக்களின் கைகளுக்கு எட்டாத வகையில் விறுவிறுவென உயர்ந்து வந்த தங்கத்தின் விலை இந்த வாரம் கொஞ்சம் கொஞ்சமாக குறையத் துவங்கியுள்ளது.

நேற்று முன்தினம் பவுன் ரூ. 11,584க்கு விற்கப்பட்ட ஆபரணத் தங்கம் நேற்று ரூ. 296 குறைந்து, ரூ.11,288க்கு விற்பனை செய்யப்பட்டது.

ஒரு கிராம் தங்கத்தின் விலை ரூ.1,411க்கு விற்கப்பட்டது. ஒரே நாளில் கிராமுக்கு ரூ. 37 குறைந்திருப்பது பெண்களுக்கு மகிழ்ச்சி தரும் விஷயமாக அமைந்தது. அடுத்து வரும் நாட்களில் இது இன்னமும் குறையும் என எதிர்பார்க்கப்படுகிறது.