தமிழகத்தில் போட்டியிடும் 12 வேட்பாளர்களை அறிவித்தது பகுஜன் சமாஜ்

சென்னை: தமிழகத்தில் பகுஜன் சமாஜ் கட்சி சார்பில் போட்டியிடும் 12 வேட்பாளர்களை அக்கட்சியின் தேசியச் செயலாளர் சுரேஷ் மானே இன்று அறிவித்தார்.

தமிழகத்தில் பகுஜன் சமாஜ் கட்சி தனித்துப் போட்டியிடுகிறது. தமிழகத்திலும், புதுவையிலும் உள்ள 40 தொகுதிகளிலும் அக்கட்சி வேட்பாளர்களை நிறுத்துகிறது.

முதல் கட்டமாக 12 தொகுதிகளுக்கான வேட்பாளர்களை இன்று சுரேஷ் மானே சென்னையில் அறிவித்தார்.

கன்னியாகுமரியில் சிவகாமி

வேட்பாளர்கள் பட்டியல் விவரம்..

தென்சென்னை-ஸ்ரீதரன், மத்திய சென்னை- யூனுஸ் கான், கன்னியாகுமரி-சிவகாமி, தர்மபுரி-புருஷோத்தமன், மயிலாடுதுறை - சப்தரிஷி, ஆரணி-சங்கரன், ஸ்ரீபெரும்புதூர்-ராஜப்பா.

மதுரை - தர்பார் ராஜா, திருச்சி - கல்யாணசுந்தரம், சேலம் - பாலசுப்பிரமணியன், கோவை - ராமசுப்ரமணியன், தூத்துக்குடி - ஜீவன்குமார்.