தேர்தல் விதி மீறல்-தேனி எஸ்பி அதிரடி மாற்றம்

தேனி: தேனியில் தேர்தல் விதிமுறைகளை மீறிய எஸ்பி ராஜேந்திரனை அதிரடியாக மாற்றம் செய்ய தேர்தல் கமிஷன் உத்தரவிட்டுள்ளது.

தேனியில் தேர்தல் விதிமுறைகளை மாவட்ட எஸ்பி ராஜேந்திரன் முறையாக கடைபிடிக்கவில்லை என்று அரசியல் கட்சிகள் தொடர்ந்து தேர்தல் கமிஷனுக்கு புகார்கள் தெரிவித்த வண்ணம் இருந்தன.

இதனால் அவரை அங்கிருந்து உடனே மாற்றம் செய்ய வேண்டும் என்று தமிழக தலைமை தேர்தல் ஆணையம் உள்துறைச் செயலாளர் மாலதிக்கு பரிந்துரை செய்தது.

இதனையடுத்து தேனியில் தேர்தல் விதிமுறைகளை மீறிய எஸ்பி ராஜேந்திரனை அதிரடியாக மாற்றம் செய்து உள்துறைச் செயலாளர் உத்தரவிட்டுள்ளார்.

அதன்படி எஸ்பி ராஜேந்திரன் காத்திருப்போர் பட்டியலுக்கு மாற்றம் செய்யப்பட்டார். மதுரை குற்றப்பிரிவு துணை கமிஷனராக பணியாற்றிய தேன்மொழி தேனி மாவட்ட எஸ்பி ஆக நியமிக்கப்பட்டுள்ளார்.