திமுக வேட்பாளர்கள் அறிவிப்பு: அழகிரி, தயாநிதி, 11 புதுமுகங்கள்

சென்னை: திமுக வேட்பாளர்கள் பெயர்கள் அறிவிக்கப்பட்டுள்ளன. அனைவரும் எதிர்பார்த்தபடி மதுரையில் மு.க.அழகிரி போட்டியிடுகிறார். நடிகர் ரித்தீஷ் ராமநாதபுரத்தில் போட்டியிடுகிறார். தயாநிதி மாறன் மத்திய சென்னையிலும், டி.ஆர்.பாலு ஸ்ரீபெரும்புதூரிலும், ராசா நீலகிரியிலும் போட்டியிடுகின்றனர். பெரம்பலூரில் நெப்போலியனுக்கு சீட் தரப்பட்டுள்ளது.

21 லோக்சபா தொகுதிகளில் திமுக போட்டியிடுகிறது. இதற்கான வேட்பாளர் நேர்காணல் 3 நாட்கள் நடந்தது. இதையடுத்து இன்று வேட்பாளர்களை திமுக அறிவித்தது.

வேட்பாளர்கள் விவரம் ...

1.தென் சென்னை - ஆர்.எஸ்.பாரதி.
2.வட சென்னை - டி.கே.எஸ். இளங்கோவன்
3.மத்திய சென்னை - தயாநிதி மாறன்.
4.திருவள்ளூர் (தனி)- காயத்ரி ஸ்ரீதரன்.
5.ஸ்ரீபெரும்புதூர் - டி.ஆர்.பாலு.
6.கள்ளக்குறிச்சி - ஆதிசங்கர்.
7.கிருஷ்ணகிரி - சுகவனம்.
8.தர்மபுரி - தாமரைச்செல்வன்.
9.அரக்கோணம் - ஜெகத்ரட்சகன்.
10.திருவண்ணாமலை - வேணுகோபால்.
11.பொள்ளாச்சி - சண்முகசுந்தரம்.
12.நாகப்பட்டனம் (தனி)- ஏ.கே.எஸ்.விஜயன்.
13.கரூர் - கே.சி.பழனிச்சாமி.
14.பெரம்பலூர் - நெப்போலியன்.
15.நீலகிரி (தனி) - ராசா.
16.தஞ்சாவூர் - பழனிமாணிக்கம்.
17.மதுரை - மு.க.அழகிரி.
18.ராமநாதபுரம் - ஜே.கே.ரித்தீஷ்.
19.தூத்துக்குடி - ஜெயதுரை.
20.நாமக்கல் - காந்தி செல்வன்.
21.கன்னியாகுமரி - ஹெலன் டேவிட்சன்.

4 அமைச்சர்களுக்கு சீட் மறுப்பு

மத்திய அமைச்சர்களாக இருக்கும் டி.ஆர்.பாலு, ராசா, பழனி மாணிக்கம் ஆகியோருக்கு சீட் கொடுத்துள்ள திமுக தலைமை, சுப்புலட்சுமி ஜெகதீசன், வெங்கடபதி, ரகுபதி, ராதிகா செல்வி ஆகிய நான்கு திமுக மத்திய அமைச்சர்களுக்கு சீட் மறுத்துள்ளது.