11 பாஜக வேட்பாளர்களின் பெயர்கள் மேலிடத்துக்கு அனுப்பப்பட்டன

சென்னை: தமிழகத்தில் பாஜக போட்டியிடும் 11 தொகுதிகளுக்கான வேட்பாளர்களின் பெயர்கள் இறுதி செய்யப்பட்டு அந்தப் பட்டியல் டெல்லிக்கு அனுப்பி வைக்கப்பட்டுள்ளது.

திமுக, அதிமுக ஆகிய இரு கட்சிகளும் பாஜகவை திராட்டில் விட்டு விட்டன. இதனால் சரத்குமாரின் சமத்துவ மக்கள் கட்சியோடும், கார்த்திக்கின் நாடாளும் மக்கள் கட்சியோடும் பேசிக் கொண்டிருக்கிறது பாஜக.

அதிமுக கழற்றி விட்டால் மதிமுகவையும் லபக்கிக் கொள்ள அது தயாராக இருக்கிறது.

இந்த நிலையில் பாஜக தமிழகத்தி்ல் 11 தொகுதிகளில் மட்டும் போட்டியிட முடிவு செய்துள்ளதாக தெரிகிறது. இந்த தொகுதிகளுக்கான வேட்பாளர் பட்டியலை அக்கட்சி தயாரித்து விட்டது.

இன்று மாலை இல.கணேசன் தலைமையில் நடந்த மாநில தேர்தல் குழுக் கூட்டத்தில் இந்த வேட்பாளர் பட்டியல் இறுதி செய்யப்பட்டது.

அந்தப் பட்டியலை டெல்லி மேலிடத்திற்கு அனுப்பி வைத்துள்ளனர்.

பாஜகவின் 11 வேட்பாளர்கள் விவரம்..

தென் சென்னை - இல.கணேசன்.
வடசென்னை - தமிழிசை சவுந்தர்ராஜன்
கன்னியாகுமரி - பொன். ராதாகிருஷ்ணன்,
திருப்பூர் - சி.பி.ராதாகிருஷ்ணன்.
ராமநாதபுரம் - திருநாவுக்கரசர்
சேலம் - லலிதா குமாரமங்கலம்
திருச்சி சுகுமாறன் நம்பியார்.
ஸ்ரீபெரும்புதூர் - ஜி.குமாரவேலு
நீலகிரி - கிருபாநிதி
கோவை - செல்வகுமார்
ஈரோடு - ரமேஷ்

சரத்குமார் உள்ளிட்டோருடன் ஏற்பட்டுள்ள கூட்டணி குறித்து அறிவிக்கப்பட்டதும் வேட்பாளர் பட்டியலை பாஜக வெளியிடும்.