பவுனுக்கு ரூ.624 குறைந்தது; மேலும் குறைய வாய்ப்பு!!

சென்னை: சர்வதேச பொருளாதாரத்தில் ஏற்பட்டு வரும் திடீர் மாறுதல்கள் காரணமாக தங்கத்தின் விலை தொடர்ந்து வருகிறது.

கடந்த வாரத்தைக் காட்டிலும் பவுனுக்கு ரூ.624 குறைந்துள்ளது. சென்னையில் ஆபரணத் தங்கத்தின் இன்றைய விலை ரூ.10,728 ஆகும். நேற்று மட்டுமே ரூ.240 வரை குறைந்துவிட்டது.

தங்கத்தில் முதலீடு செய்தவர்களுக்கு இது அதிர்ச்சியாகவும், தங்கம் வாங்கக் காத்திருந்தவர்களுக்கு பெரும் மகிழ்ச்சியான செய்தியாகவும் இது மாறியுள்ளது.

தங்கத்தின் இந்த விலை வீழ்ச்சி இத்துடன் நின்றுவிடுமா...?

சென்னை நகை வியாபாரிகள் சங்கத்தின் ஆலோசகர் எல்கேஎஸ் சையது அகமது இப்படிக் கூறுகிறார்:

சர்வதே நிதி அமைப்பான ஐஎம்எப், தன்னிடம் உள்ள தங்கத்தை விற்பனை செய்ய ஆரம்பித்துவிட்டது. இப்போது எதிர்பார்த்ததை விட 4 மடங்கு தங்கம் மார்க்கெட்டு வந்தவண்ணம் உள்ளது. எனவே விலை குறைவதைத் தடுக்க முடியாது. இன்னும் சில நாட்களுக்கு தங்கத்தின் விலை கடுமையான சரிமைச் சந்திக்கும். கிராம் விலை ரூ.1000-ஐத் தொட வாய்ப்புள்ளது என்றார்.