குப்பையில்லா நகரமாக்கிய காந்திச்செல்வனுக்கு சீட்

நாமக்கல்: நாமக்கல் நகராட்சித் தலைவராக இருந்தபோது நகரை குப்பையில்லா நகரமாக்கி சாதனை படைத்த காந்திச் செல்வனுக்கு இப்போது நாமக்கல் தொகுதி வேட்பாளராகும் அதிர்ஷ்டம் அடித்துள்ளது.

எம்.ஏ., எம்.ஃபில் படித்துள்ள காந்தி் செல்வன் கவுண்டர் சமுதாயத்தைச் சேர்ந்தவர். சொந்த ஊர் நாமக்கல் போதுப்பட்டி ஆகும்.

நாமக்கல் மாவட்ட திமுக செயலர், மாவட்ட ஊராட்சிக் குழுத் தலைவர் இருக்கிறார். நகராட்சித் தலைவராக பதவி வகித்துள்ளார். அப்போது நாமக்கல்லை குப்பையில்லாத நகரமாக்கி சாதனை படைத்தார்.

1986ம் ஆண்டு நாமக்கல் நகர்மன்ற உறுப்பினர், 1987-ல் நகர கூட்டுறவு வங்கி இயக்குநர், 1994-ல் திமுக மாவட்ட மாணவரணி அமைப்பாளர், 1996-ல் திமுக மாவட்ட துணைச் செயலர், நாமக்கல் நகர கூட்டுறவு வங்கித் தலைவர், 1996-ல் மீண்டும் நகர்மன்ற உறுப்பினர், 2001-ல் நாமக்கல் நகர மன்றத் தலைவர் என பதவி வகித்துள்ளார்.