பெரம்பலூரிருந்து நீலகிரிக்கு இடம் மாறிய ராசா

நீலகிரி: பெரம்பலூர் தனி தொகுதியில் போட்டியிட்டு வென்று வந்த ராசா முதல் முறையாக நீலகிரி தொகுதிக்கு இடம் பெயர்ந்துள்ளார்.

பெரம்பலூர் தனி தொகுதியில் 1996, 99, 2004 ஆகிய தேர்தல்களில் வெற்றி பெற்றவர் ராசா. மத்திய அமைச்சர் பதவிக்கும் உயர்ந்தவர்.

ஆனால் இந்த முறை பெரம்பலூர் தனி தொகுதி பொதுத் தொகுதியாக்கப்பட்டு விட்டதால் நீலகிரி தனி தொகுதிக்கு மாறி வந்துள்ளார்.

பெரம்பலூர் மாவட்டம் வேலூரைச் சேர்ந்தவர் ராசா. மனைவி, மகள் உள்ளனர்.

அடிப்படையில் வக்கீலான ராசா, 1996 முதல் ஒன்றியச் செயலர், 2004 முதல் மாவட்டச் செயலர், இப்போது திமுக கொள்கை பரப்புச் செயலர் என பல பதவிகளை வகித்தவர்.

பெரம்பலூர் தொகுதியில் 1998ல் மட்டும் தோல்வியைச் சந்தித்தார் ராசா. 1999-ம் ஆண்டு நடந்த தேர்தலில் வெற்றி பெற்று வாஜ்பாய் தலைமையிலான அமைச்சரவையில் இணை அமைச்சராக இடம் பெற்றார்.

பின்னர் 2004 தேர்தலில் வெற்றி பெற்ற பின்னர் கேபினட் அமைச்சராக உயர்வு பெற்றார்.