திருப்பூர் அதிமுக வேட்பாளராக மாஜி எம்.எல்.ஏ. சிவசாமி

திருப்பூர்: திருப்பூர் சட்டமன்ற தொகுதியின் முன்னாள் உறுப்பினரான சிவசாமி, நாடாளுமன்றத் தேர்தலில் அதிமுக வேட்பாளராக களம் இறக்கப்பட்டுள்ளார்.

52 வயதாகும் சிவசாமி, எம்.ஏ (அரசியல் அறிவியல்) படித்தவர். பனியன் ஏற்றுமதி உள்பட பல தொழில்களில் ஈடுபட்டுள்ளார்.

கோவை புறநகர் வடக்கு மாவட்ட செயலாளராக உள்ளார். திருப்பூர் சட்டமன்ற தொகுதியில் 2001-ம் ஆண்டு நடந்த தேர்தலில் வெற்றி பெற்றவர்.

தற்போது திருப்பூர் மாநகராட்சி எதிர்க்கட்சி தலைவராக இருக்கிறார். புனிதா என்ற மனைவியும், ஜனபாரதி, அஸ்வந்த் என்ற மகன்களும் உள்ளனர்.