மயிலாடுதுறையிலும் பாஜக போட்டி- வேட்பாளர் அறிவிப்பு

சென்னை: தமிழகத்தில் பாஜக 12வது தொகுதியாக மயிலாடுதுறையிலும் போட்டியிடுகிறது. அங்கு கட்சி சார்பில் கார்த்திகேயன் போட்டியிடுகிறார்.

தமிழகத்தில் கூட்டணி இல்லாமல் அவதிப்பட்டு வந்த பாஜக தற்போது சமத்துவ மக்கள் கட்சி, கார்த்திக் கட்சி, சுப்ரமணியம் சாமி, ஐக்கிய ஜனதாதளம் உள்ளிட்டவற்றைக் கொண்ட 7 கட்சிக் கூட்டணியை அமைத்துள்ளது.

11 தொகுதிகளில் முதலில் வேட்பாளர்களை அறிவித்திருந்தது. இந்த நிலையில் மயிலாடுதுறையிலும் போட்டியிடப் போவதாக கட்சித் தலைவர் இல.கணேசன் அறிவித்திருந்தார்.

மயிலாடுதுறைக்கான வேட்பாளராக கார்த்திகேயன் நேற்று அறிவிக்கப்பட்டார்.

இவர் நாகை மாவட்ட பாஜக துணைத் தலைவராக இருக்கிறார்.