ரெபோ ரேட், ரிவர்ஸ் ரெபோ ரேட்டைக் குறைத்தது ரிசர்வ் வங்கி

மும்பை: வங்கிகளுக்குத் தரும் கடனுக்காக வட்டியை (ரெபோ ரேட்) இந்திய ரிசர்வ் வங்கி மேலும் 25 புள்ளிகள் அதாவது கால் சதவீதம் குறைத்துள்ளது.

இதன்படி இனி ரெபோ ரேட் 4.75 சதவீதமாக இருக்கும்.

அதே போல வங்கிகளிடம் தான் வாங்கும் கடனுக்கான வட்டியையும் (ரிவர்ஸ் ரெபோ ரேட்) 3.25 சதவீதமாகக் குறைத்துள்ளது.

சர்வதேச பொருளாதார வீழ்ச்சியின் பாதிப்பைச் சமாளிக்கவே இந்த வட்டிக் குறைப்பு என்றும், இதன்மூலம் சந்தையில் அதிக பணப் புழக்கத்தைக் கொண்டு வர முடியும் என்றும் ரிசர்வ் வங்கி கருதுகிறது.

இதனால் வணிக வங்கிகள் உடனடியாக வட்டிக் குறைப்பை அமல்படுத்த முயற்சிக்க வேண்டும் என்றும் ரிசர்வ் வங்கி அறிவுறுத்தியுள்ளது.

இப்போதைய பொருளாதார சூழலைக் கருத்தில் கொண்டு இந்த ஆண்டுக்கான நாட்டின் பொருளாதார வளர்ச்சி இலக்கை 6 சதவீகிதமாக ரிசர்வ் வங்கி குறைத்துள்ளது.