இல.கணேசன் கையிருப்பு ரூ. 9,950 மட்டுமே!

சென்னை: தமிழக பாஜக தலைவர் இல.கணேசன் தனது கைவசம் வெறும் ரூ. 9,950 மட்டுமே இருப்பதாக தெரிவித்துள்ளார்.

திமுக, அதிமுக, தேமுதிக என பிராந்திய கட்சிகளின் வேட்பாளர்களில் பலரும் பெரும் கோடீஸ்வரர்களாக உள்ள நிலையில் தேசிய கட்சியான பாஜகவின் தமிழக தலைவர் இல.கணேசன் சில ஆயிரங்களில் மட்டுமே சொத்து வைத்துள்ளார்.

தென் சென்னை லோக்சபா தொகுதியில் போட்டியிடுகிறார் இல.கணேசன். இவர் தனது வேட்பு மனுவை நேற்று தாக்கல் செய்தார். அப்போது சொத்து விவரத்தையும் வெளியிட்டார்.

இல.கணேசனின் சொத்து விவரங்கள்..

ரொக்க கையிருப்பு - ரூ. 9,950 ரூபாய்.

வங்கி கணக்கில் இருப்பு - ரூ. 47,920.83

தங்க மோதிரம் - ரூ. 5 ஆயிரம் மதிப்பில் 4 கிராம் தங்க மோதிரம்.

வாகனங்கள் - கட்சி பொறுப்பின் அடிப்படையில் தனது பெயரில் 2 கார்கள்.

'செழிப்பான' அரசியல்வாதிகளின் ஒரு நாள் பாக்கெட் செலவு போலத் தோன்றுகிறதா இல.கணேசனின் சொத்து மதிப்பு..?