மக்கள் டிவியில் நேரலை நிகழ்ச்சி - மக்கள் கேள்விகளுக்குப் பதிலளிக்கிறார் ராமதாஸ்

சென்னை: மக்கள் தொலைக்காட்சியில் இன்று இரவு ஒரு மணி நேரத்திற்கு இடம் பெறும் நேரடி ஒளிபரப்பு நிகழ்ச்சியில் மக்கள் கேட்கும் கேள்விகளுக்கு பாமக நிறுவனர் டாக்டர் ராமதாஸ் கலந்து கொண்டு பதிலளிக்கிறார்.

இன்று இரவு 9 மணி முதல் 10 மணி வரை இது ஒளிபரப்பாகிறது. இதில் தொலைபேசி வாயிலாக மக்கள், டாக்டர் ராமதாஸிடம் கேள்விகள் கேட்கலாம். அதற்கு அவர் பதிலளிப்பார்.

அரசியல், தேர்தல், பொதுவாழ்க்கை என பல தரப்பான தலைப்புகளில் கேள்விகள் கேட்கலாம்.

இது ஒரு சிறப்பு நேரடி ஒளிபரப்பு நிகழ்ச்சி என மக்கள் தொலைக்காட்சியின் செய்திக்குறிப்பில் தெரிவிக்கப்பட்டுள்ளது.