தேசிய அளவி்ல் காங். கூட்டணி முன்னிலை-டைம்ஸ்

டெல்லி: நடந்து முடிந்த மக்களவைத் தேர்தலில் தேசிய அளவி்ல் காங்கிரஸ் அணி, பாஜக கூட்டணியை விட சிறிய அளவில் கூடுதலான இடங்களைப் பெற்று முன்னிலை பெறும் என தொலைக்காட்சி நிறுவனங்கள் நடத்திய கருத்துக் கணிப்புகளில் தெரிவிக்கப்பட்டுள்ளது.

அதன் விவரம்:

சிஎன்என்-ஐபிஎன்:

காங்கிரஸ் கூட்டணி 145 முதல் 160. பாஜக கூட்டணி 135 முதல் 150. மூன்றாவது அணி 110 முதல் 130. மற்றவர்கள் 70 முதல் 100 இடங்கள் பெறுவர்.

டைம்ஸ் நவ்:

காங்கிரஸ் கூட்டணி 198. பாஜக கூட்டணி 183. மூன்றாவது, நான்காவது அணிகள் மற்றும் பிற கட்சிகள் 162 இடங்களில் வெல்வர்.

ஹெட்லைன்ஸ் டுடே:

காங்கிரஸ் கூட்டணி 191. பாஜக கூட்டணி 180. மூன்றாவது அணி 38. மற்றவர்கள் 134 இடங்கள் பெறுவர்.

இந்தியா டிவி:

காங்கிரஸ் கூட்டணி 195. பாஜக கூட்டணி 194. மூன்றாவது அணி 108. மற்றவர்கள் 46 இடங்கள் பெறுவர்.

நியூஸ் எக்ஸ்:

காங்கிரஸ் கூட்டணி 199. பாஜக கூட்டணி 191. மூன்றாவது அணி 104. மற்றவர்கள் 48 இடங்கள் பெறுவர்.

யுடிவிஐ:

காங்கிரஸ் கூட்டணி 195. பாஜக கூட்டணி 189. மூன்றாவது அணி பெறும் இடங்கள் தெரியவில்லை. மற்றவர்கள் 14 இடங்கள் பெறுவர்.

ஸ்டார் நியூஸ்:

காங்கிரஸ் கூட்டணி 199. பாஜக கூட்டணி 196. மூன்றாவது அணி 100. மற்றவர்கள் 36 இடங்கள் பெறுவர்.

இதில் டைம்ஸ் ஆப் இந்தியாவின் 'டைம்ஸ் நவ்' தொலைக்காட்சியும், சிஎன்என்-ஐபிஎன் தொலைக்காட்சியும் கருத்துக் கணிப்போ, எக்ஸிட் போல் கணிப்போ நடத்தவில்லை. தனது செய்தியாளர்கள் வழங்கிய கருத்துக்களின் அடிப்படையில் யார் எத்தனை இடங்களில் வெல்வார்கள் என்று கணித்து இந்த முடிவை அவை வெளியிட்டுள்ளன.

மற்றவர்கள் எக்ஸிட் போல் நடத்தி அதன் அடிப்படையில் மேற்சொன்ன கணிப்பை வெளியிட்டுள்ளனர்.

தமிழகத்தில்...

தமிழகத்தைப் பொறுத்தவரை அதிமுக கூட்டணி 23 இடங்களிலும் திமுக 7 இடங்களிலும் காங்கிரஸ் 4 இடங்களிலும் இடதுசாரிகள் 4 இடங்களிலும் வெல்வர் என்று டைம்ஸ் நவ் தொலைக்காட்சி கணிப்பு வெளியிட்டுள்ளது.